|
|
|
Is í an Ghaeltacht an croífhachtóir comhtháthaithe do NASC. Tá gach ceann de chomhpháirtithe NASC freagrach as forbairt na gcontaetha ina bhfuil ceantair Ghaeltachta, nó as seirbhísí a sholáthar sna nó do na contaetha sin.
|
|
|
|
|
|
|
|
|
Clúdaíonn an chomhpháirtíocht speictream leathan leas agus freagrachtaí, lena n-áirítear forbairt gheilleagrach, shóisialta agus chultúrtha; forbairt pobail, áitiúil agus tuaithe; oideachas tríú leibhéal agus taighde; agus feidhmeanna bardasacha mar thithíocht, iompar ar bhóithre, seirbhísí sláintíochta, pleanáil spásúil, caomhnú an chomhshaoil, agus caitheamh aimsire is taitneamhachtaí.
|
|
|
|
Féachann an chomhpháirtíocht le forbairt chomhtháite agus inbhuanithe na gceantar a bhfuil na comhpháirtithe freagrach astu a chur chun cinn trí úsáid éifeachtach a bhaint as na hacmhainní agus saineolas ar fad atá ar fáil, lena n-áirítear acmhainní agus saineolas seachtrach a chuirtear ar fáil i gcomhthéacs ballraíochta san Aontas Eorpach.
|
|
|
|
| Is éard a chiallaíonn forbairt chomhtháite cur chuige níos comhordaithe ó chomhpháirtithe NASC agus a gcláir indibhidiúla á dtabhairt. Ina theannta sin, baineann sé le tabhairt faoi chomhthionscnaimh nuair a léiríonn siad sin an rogha is éifeachtaí. Toise tábhachtach de chuid NASC is ea comhtháthú barrmhaitheasa Ollscoil na hÉireann, Gaillimh, mar chomhpháirtí sna próisis fhorbartha, ag leibhéal áitiúil agus réigiúnach, dá bhfuil compháirtithe NASC ar fad tugtha.
|
|
|
|
|
Aithníonn na comhpháirtithe go bhfuil an toise Eorpach ag éirí níos tábhachtaí i gcónaí maidir le forbairt a gceantar sa todhchaí a chinneadh. Is príomheilimint í tionscnamh NASC ina bhfreagairt don fhírinne sin agus is eilimint í a bhfuil sé mar aidhm aici iarrachtaí indibhidiúla na gcomhpháirtithe ag leibhéal áitiúil, réigiúnach, náisiúnta agus Eorpach a chomhlánú.
|
|
|
|
Le forbairt an dlúthchaidrimh le hinstitiúidí an Aontais Eorpaigh agus réigiúin eile na hEorpa cuirtear Eorapú fheidhmeanna agus ghníomhaíochtaí na gcomhpháirtithe chun cinn agus leis sin cuirtear forbairt na gceantar a bhfreastalaíonn siad orthu chun cinn.
|
|
|
|
